當我地遇上一隻橫行無忌嘅敵人
震驚過後總係帶點錯愕
"點解會搞成咁?"
但係回想返
隊友求助嘅時候
你選擇營救定係沉醉於食兵賺錢嘅快感?
隊友崩線嘅時候
你試圖力挽狂瀾定係道德高地上面評頭品足?
所以隻怪物係咪真係毫無先兆咁橫空出現?
大家都有份供書教學養肥佢
而呢個結果就要大家一齊黎承受
正如有人為左蠅頭小利參加各式各樣嘅scheme
有人怕麻煩睇唔到聽唔見唔寫report
有人驚lam投訴所以對客人任何要求都唯唯諾諾
呢d通通都會好似迴力標咁打返後尾枕
而且往往會以更強大更醜惡嘅姿態凱旋而回
誅連更大嘅群體
大家睇睇公司就係一個好例子
武漢肺炎重挫航空業 政治因素引發旅遊警示
就算唔係主要成因
但公司過去嘅所作所為都有份將事件推向現狀
而家個惡果大到連自己都食唔晒
需要員工 乘客 市民齊齊攤分
正因為因果會好似鼻敏感咁一世跟住你
係呢個需要謹言慎行嘅城市 需要自我審查嘅時代
就算好多事情都鬱結難抒 有口難言
都要切記唔好將不合理合理化 將歪理變常理
睇多d書充實自己 留意多d時事 關心多d呢個社會
見字飲水 坐直條腰 強身健體 食多d維他命C
支持多d本地創作 珍惜多d本土文化
呢d全部都係為將來埋下嘅種子ssss
而且撕不走 禁不住 殺不掉
五週年留字
Search